IrriSarri Land udan, EGUNERO ateak zabalik
Ekainaren 16tik aitzin Irrisarri Land parkeak ateak egunero zabalduko ditu, astelehenetik igandera, etenik gabe. Begiralea eta erremonteak behar dituzten ekintzen ordutegia goizeko 10etatik arratsaldeko 7etara izanen da, gainontzeko ekintzak ilundu arte egin ahalko dira eta gauean osatatua zabalik egonen da afariak emateko.
Aktibitate berriak
Aurten hiru eskaintza berri daude:
Zentzumenen ibilbidea: Ibilbide interaktiboa. Bisitariak natura ukitu eginen du: egurra, ura, harria, lurra,… pertsona ez-gaituendako prestatutako ibilbidea dago. Ikusmen urritasuna dutenek, soinuen bidez egin ahalko dute ibilbidea.
Ibilbide mitologikoa: Parkean barna, haur eta helduek euskal mitologiako pertsonaiak aurkitu beharko dituzte eta ondoren haien kondairak ezagutu ahalko dituzte.
Natur-ibilbidea: Inguruko animaliak eta landareak ezagutzeko prestatutako ibilbidea.
Bertzelako zerbitzuak ere aurkituko ditu bezeroak Irrisarri Landen, hala nola Jolastokia, pedalen bidezko autoen zirkuitoa, ur-jolasen parkea,…
San Juan bestak
San Juan bezperan eta San Juan egunean parkeko bestak ospatuko dituzte. Ezin atzendu parkearen ondoan San Juan Xar paraje ederra dagoela. Ekainaren 24ean inguruko herrietako bizilagunek erromeria egiten dute San Juan Xarrera uraren erritoa egiteko. Diotenez, San Juan Xarreko iturburuetako urek, larruko gaitzak sendatzen dituzte. .